Enska götublaðið The Sun var að velta fyrir sér mögulegum andstæðingum enska landsliðsins á HM í Rússlandi í sumar. Samkvæmt blaðinu vilja Englendingar alls ekki mæta Íslandi á HM.
Það eru eflaust fáir stuðningsmenn enska landsliðsins búnir að gleyma 2:1-tapi gegn Íslandi á EM í Frakklandi í fyrra. Auk Íslands vill England ekki mæta Brasilíu og Nígeríu.
Draumariðill Englendinga samkvæmt The Sun er Rússland, England, Íran og Nýja-Sjáland.