Gordon Strachan hefur látið af störfum sem landsliðsþjálfari Skota í knattspyrnu sem og aðstoðarmaður hans Mark McGhee.
Strachan hefur stýrt skoska landsliðinu frá því í janúar 2013. Skotar tóku þátt í tveimur undankeppnum undir stjórn Strachans en tókst í hvorugt skipti að komast í úrslitin.
„Það eru afar mikil vonbrigði að hafa ekki náð þeim markmiðum sem ég setti mér með liðið en ég verð að hrósa leikmönnum sem lögðu mikið á sig. Þeir voru alveg til fyrirmyndar,“ sagði Strachan við fréttamenn í dag.