Aganefnd evrópska knattspyrnusambandsins, UEFA, mun taka fyrir kynþáttafordóma sem stuðningsmenn Roma beindu í átt að Antonio Rüdiger, leikmanni Chelsea, í leik liðanna í Meistaradeild Evrópu á miðvikudagskvöldið.
Nokkrir stuðningsmanna Roma gáfu frá sér apahljóð þegar Rüdiger var með boltann og var í baráttunni í leiknum sem fram fór á Stamford Bridge. Leik liðanna lyktaði með 3:3-jafntefli. Aganefnd UEFA mun taka málið fyrir 16. nóvember.