Sverrir Ingi Ingason, landsliðsmaður í knattspyrnu, skoraði jöfnunarmark Rostov þegar liðið gerði 1:1-jafntefli gegn Tosno í 14. umferð rússnesku úrvalsdeildarinnar í knattspyrnu karla í dag.
Sverrir Ingi sem spilaði allan leikinn í miðri vörninni fyrir Rostov skoraði mark liðsins úr vítaspyrnu á 56. mínútu leiksins. Rostov er í 11. sæti deildarinnar með 17 stig eftir þetta jafntefli.
Þetta er fyrsta mark Sverris fyrir Rostov en hann kom til félagsins í sumar frá Granada á Spáni.