Orrustuþotur fylgja gulldrengjunum heim

Danska landsliðið í handknattleik snýr heim frá Noregi í dag og verður tekið á móti hetjunum eftir öllum kúnstarinnar reglum. Tvær orrustuþotur munu m.a. fylgja flugvél gulldrengjanna til Kastrup flugvallar.

Danskar orrustuþotur af gerðinni F-16 munu fljúga á móti farþegaþotunni sem flytur Evrópumeistarana til Kaupmannahafnar, og fylgja þeim að Kastrup flugvelli.

Danskt landslið hefur ekki fengið slíkar móttökur síðan Danir unnu Evrópumótið í knattspyrnu árið 1992.

Frá Kastrup verður svo ekið á Ráðhústorgið þar sem m.a. Ritt Bjerregaard, borgarstjóri, tekur á móti þeim, ásamt dönskum handboltaunnendum, sem eflaust munu taka vel á móti sínum mönnum. 

• 3 blogg um fréttina

Bloggað um fréttina

• Einar Bragi Bragason.: Þess vegna vill Bjössi her
• Námsmaður bloggar: Mikið er það nú gott að "Frændur okkar" skyldu vinna
• Ólafur Als: F-16 herþotur og pönnukökur