Sómi Íslands og sverð

Helgin var gjöful fyrir íslenskt skylmingafólk sem vann öll helstu gullverðlaun á Norðurlandamótinu í skylmingum með höggsverði. Að auki var helgin stór fyrir forkólfa íþróttarinnar hérlendis því opnuð var formlega Skylmingamiðstöð Norðurlanda að viðstöddum fyrirmennum og þar á meðal forseta Alþjóða-skylmingasambandsins sem vart átti orð yfir hversu vel á veg íþróttin er komin í þessu litla landi.

Viðbrögð forsetans eru skiljanleg. Ekki aðeins er aðstaða skylmingamanna í Laugardalnum til hreinnar fyrirmyndar heldur ríkir mikil fagmennska í þjálfun íþróttamanna íslenskra sem hirtu öll fjögur helstu gullverðlaun á mótinu og er slíkur yfirburðaárangur Íslendinga algjör undantekning á stærri mótum á borð við Norðurlandamót. Ekki aðeins voru Íslendingar sigursælir heldur voru nánast allir keppendur í úrslitum einnig Íslendingar með einni undantekningu.

Ítarleg umfjöllun um mótið er í Morgunblaðinu í dag.