Ekki hægt að lýsa gleðinni

Nikola Karabatic fagnar marki í leik Íslands og Frakklands. Sverre Jakobsson er ekki eins glaður. AP

Nikola Karabatic, helsta stjarna franska handboltalandsliðsins, sagði eftir úrslitaleikinn í Peking gegn Íslandi, að hann myndi ávallt minnast lokamínútu leiksins þegar hann vissi að sigurinn var í höfn. Karabatic skoraði átta mörk fyrir Frakka. 

„Ég horfði á félaga mína og sigurinn speglaðist í augunum á þeim. Við vissum að okkur hafði tekist þetta, við höfðum loksins náð að vinna ólympíumeistaratitil. Það er ekki hægt að lýsa gleðinni," sagði hann.