Stórkostlegt að standa á pallinum

Alexander Petersson reynir að komast framhjá Didier Dinart. AP

Snorri Steinn Guðjónsson sagði í samtali við Sjónvarpið, að  tilfinningarnar væru blendnar eftir leikinn við Frakka. „En það er stórkostlegt að stíga upp á pall á ólympíuleikum," sagði hann.

Snorri Steinn sagði, að Íslendingar hefðu einfaldlega mætt ofjörlum sínum í leiknum. Frakkar hefðu spilað frábærlega og séu  besta lið heims. „Við vorum vel innstilltir í þetta, gáfum allt í leikinn og gerðum það sem við gátum. "

Guðjón Valur Sigurðsson sagði að tilfinningin væri slæm vegna þess að íslenska liðið hefði spilað illa. „En þetta er meira en hægt var að ætlast til í upphafi og við erum með eitthvað um hálsinn," sagði hann.