Á verðlaunapallinum - myndir

Handboltamennirnir kanna hvort silfurpeningarnir séu ekta. mbl.is/Brynjar Gauti

„Ég grét eins og barn þegar fáninn fór á loft við verðlaunaafhendinguna,“ sagði línumaðurinn Sigfús Sigurðsson eftir verðlaunaafhendinguna á ÓL í Peking í gær. Hann og aðrir leikmenn íslenska handboltalandsliðsins tóku þar við silfurverðlaunum. Er þetta í annað skipti á 52 ára tímabili sem Ísland vinnur silfur á ólympíuleikum.

„Ég og strákarnir höfum brotið niður múra og sett ný viðmið fyrir aðra. Núna höfum við kannski opnað fyrir flóð verðlaunapeninga hjá íslensku íþróttafólki, kannski detta inn 3-4 verðlaunapeningar á næstu árum,“ sagði Ólafur Stefánsson, fyrirliði íslenska liðsins.

Meðfylgjandi eru myndir af íslenska liðinu að taka við silfurverðlaununum í Peking.