Kjörinn í fræðslunefnd Alþjóða skylmingasambandsins

Nikolay Mateev, þjálfari og framkvæmdastjóri Skylmingasambands Íslands. mbl.is/Árni Sæberg

Nikolay Mateev, framkvæmdastjóri Skylmingasambands Íslands og þjálfari, var um helgina kjörinn í fræðslu- og útbreiðslunefnd Alþjóða skylmingasambandsins á þingi þess sem haldið var í París. Guðjón Ingi Gestsson, formaður Skylmingasambandsins, rétt missti af sæti í tækninefnd, eftir að kjósa þurfti aftur milli hans og Bandaríkjamanns, en þeir voru hnífjafnir eftir venjulega kosningu.

Miklar sviptingar voru í stjórnarkjöri á þinginu og m.a. varð forseti Alþjóða skylmingasambandsins undir í forsetakjöri. Hann tapaði með fimm atkvæða mun fyrir Rússa. Fráfarandi forseti er franskur.