Ungir og efnilegir skylmingamenn

Nikolay Mateev. mbl.is/ Árni Sæberg

„Það koma keppendur frá Danmörku og Svíþjóð auk þess sem einn keppandi er frá Brasilíu, en það er skiptinemi sem hefur verið hér á landi síðan í haust,“ segir Nikolay Mateev, sem sér um skylmingakeppnina á leikunum.

Hann segir stefnuna að gera mótið stærra og viðameira með tímanum. „Það er ætlunin að sækja um að hafa þetta mót sem heimsbikarmót fyrir unglinga í framtíðinni,“ sagði hann og þá má búast við fleiri keppendum og jafnvel sterkari.

„Við ætlum að hafa þetta skemmtilegt hjá okkur og verðum með æfingabúðir fyrir alla keppendurna á miðvikudag, fimmtudag og föstudag og síðan er keppnin sjálf á laugardag og sunnudag,“ sagði Nikolay. Keppnin mun standa í Baldurshaga milli klukkan 9 og 17 á laugardag og 10 til 16 á sunnudaginn.