Stefnir á leikana í London

Það er ekki laust við að þjóðrembingurinn geri vart við sig hjá landanum þegar Íslendingur gerir það gott erlendis. Nú er aldeilis ástæða til slíks rembings.

Chelsey Kristina Sveinsson er fædd á Íslandi, en hefur lengst af búið í Bandaríkjunum, þar sem hún æfir hlaup með skólaliði sínu í Greenhill í Texas. Árangur hennar hefur vakið athygli, þar sem hún er aðeins á sautjánda aldursári, en hún hefur þegar sett stefnuna á ólympíulið Bandaríkjanna fyrir Lundúnaleikana árið 2012.

Chelsey býr með móður sinni Gillian Glengarry, sem jafnframt er þjálfari hennar. Birgir Sveinsson er faðir hennar.

Nánar er fjallað um Chelsey í Morgunblaðinu í dag.