Kári lagði Þjóðverja í Berlín

Íslenski hópurinn sem keppir í Berlín.

Kári Gunnarsson lagði Þjóðverjann Peter Lang að velli, 21:19 og 21;15, á alþjóðlega unglingamótinu í badminton í Berlín í gærkvöld.

Aðrir leikir íslenska unglingalandsliðsfólksins síðdegis og í gærkvöld töpuðust.

Jónas Baldursson tapaði fyrir Jamie Van Hooijdonk frá Wales, 10:21 og 11:21.

Egill G. Guðlaugsson tapaði fyrir Morten Brödbæk frá Danmörku, 16:21 og 17:21.

Berta Sandholt og Elín Þóra Elíasdóttir töpuðu fyrir Lucie Havlova og Zuzana Pavelková frá Tékklandi, 12:21 og 13:21, í tvíliðaleik.

Jóhanna Jóhannsdóttir og Sunna Ösp Runólfsdóttir töpuðu naumlega fyrir Meike Behrens og Tabea Sänger frá Þýskalandi.

Íslensku keppendurnir halda áfram af fullum krafti í dag.