Valgeir framkvæmdarstjóri Keilusambands Evrópu

Valgeir Guðbjartsson hefur tekið við starfi framkvæmdastjóra Keilusambands Evrópu (ETBF). Hann hefur verið í stjórn Evrópusambandsins síðan 2005 og er í mótanefnd sambandsins. Valgeir á einnig sæti í stjórn Keilusambands Íslands og gegndi formennsku þess í mörg ár.

Valgeir tekur við af Rune Widell frá Svíþjóð sem hættir nú eftir 25 ára starf við að efla keilu á alþjóðavettvangi bæði hjá ETBF og heimssambandinu (WTBA).