Kristinn setti drengjamet

Ómar Óskarsson

Kristinn Þórarinsson úr Fjölni setti í dag drengjamet í 200 metra fjórsundi á Íslandsmeistaramótinu í sundi sem stendur yfir í Laugardalslaug. Kristinn synti á 2.25,09 mínútum. Gamla metið átti Gunnar Örn Arnarson, ÍRB, 2.26,23 mín.

Bryndís Rún Hansen, Óðni, setti nýtt stúlknamet í 200m flugsundi. Bryndís Rún synti á tímanum 1:03.72.

Ingibjörg Kristín Jónsdóttir, Sundfélagi Hafnarfjarðar, setti stúlknamet í 50m skriðsundi á tímanum 26.60.

Þá var Eygló Ósk Gústafsdóttir, Ægi, fjóra hundraðshluta frá Íslandsmetinu í 50m baksundi. Eygló Ósk synti á 30.45 en Íslandsmetið er 30.41. Með þessu sundi setti Eygló Ósk stúlknamet.