Franskur sigur í stangarstökki karla

Renaud Lavillenie frá Frakklandi sigraði í stangarstökki karla í kvöld á Evrópumeistaramótinu í frjálsíþróttum í Barcelona á Spáni. Hinn 23 ára gamli Lavillenie hafði töluverða yfirburði í keppninn en hann fór yfir 5,85 metra.

Maksym Mazuryk frá Úkraínu bætti sig um 10 sentimetra og endaði hann í öðru sæti með stökk upp á 5,80 metra. Przemyslaw Czerwinski frá Póllandi varð þriðji en hann stökk 5,75 metra.