Naumur sigur hjá Mikhnevich í kúluvarpinu

Andrei Mikhnevich frá Hvíta-Rússlandi rétt marði sigur í kúluvarpi karla á EM í frjálsum í kvöld. Reuters

Andrei Mikhnevich frá Hvíta-Rússlandi rétt marði sigur í kúluvarpi karla á EM í frjálsum í kvöld en hann kastaði einum sentimetra lengra en Ólympíumeistarinn Tomasz Majewski frá Póllandi.

Hinn 34 ára gamli Mikhnevich kastaði 21.01 metra en fyrir fjórum árum var hann 2 sentimetrum frá því að landa gullverðlaunum í greininni á EM í Gautaborg. Ralf Bartels frá Þýskalandi varð þriðji en hann kastaði 20,93 metra.