Thorkildsen í sögubækurnar eftir sigurinn á EM

Andreas Thorkildsen frá Noregi sýndi enn og aftur að hann er yfirburðamaður í spjótkasti karla.  Thorkildsen landaði gullverðlaunum á EM í Barcelona í kvöld og varði þar með Evrópumeistaratitilinn. Thorkildsen er þar með handhafi allra stóru titlana í þessari grein en hann er einnig heims-og ólympíumeistari og er hann sá fyrsti í sögunni sem nær þeim árangri.

Þjóðverjinn Matthias De Zordo varð annar en hann kastaði 87,81 metra en Thorkildsen kastaði 88,37 metra. Tero Pitkämäki frá Finnlandi fékk bronsið en hann sigraði heimsmeistaramótinu árið 2007. Hann kastaði 86,67 metra.