Óvæntur sigur Angóla og Þjóðverjar eru úr leik

Carlos Morais leikmaður Angóla treður boltanum í körfuna gegn Þjóðverjum. Reuters

Þjóðverjar eru úr leik á heimsmeistaramótinu í körfuknattleik eftir 92:88 tap gegn Afríkumeistaraliði Angóla. Sigur Angóla kom verulega á óvart en úrslitin réðust í framlengingu.

Þjóðverjar léku m.a. á Ólympíuleikunum í Peking fyrir tveimur árum en liðið saknar Dirk Nowitzki leikmanns Dallas Mavericks sem er ekki í liðinu.   

Olimpo Cipriano skoraði 30 stig fyrir Angóla og Joaquim Gomez skoraði 16 og tók 14 fráköst. Angóla hitti úr 18 af alls 40 þriggja stiga skotum sínum.

Úrslit gærdagsins:
A-riðill:
Serbía – Ástralía 94:79
Þýskaland – Angóla 88:92
Argentína – Jórdanía 88:79

B-riðill:
Króatía – Túnis 84:64
Íran – Bandaríkin 51:88
Brasilía – Slóvenía 77:80