Íþróttir
| mbl
| 3.9.2010
| 20:55
Ásdís varð þriðja í Padova
Ásdís Hjálmsdóttir, Íslandsmethafi í spjótkasti úr Ármanni. Kristinn Ingvarsson
Ásdís Hjálmsdóttir, Íslandsmethafi í spjótkasti úr Ármanni, hafnaði í 3. sæti í spjótkasti á alþjóðlegu frjálsíþróttamóti í Padova á Ítalíu í kvöld. Hún kastaði spjótinu lengst 57,18 metra og aðeins munaði nokkrum sentímetrum að hún næði öðru sæti.
Hún vann Martinu Ratei frá Slóvaniu sem er í 4. sæti á heimslistanum og hefur kastað rúma 67 metra. Christina Obergföll kastasti rúma 63 m og sigraði í keppninni í kvöld. Þetta var síðasta utanhúsmótið hjá Ásdísi á þessu keppnistímabili sem hefur verið bæði langt og strangt.
© Árvakur hf.
Öll réttindi áskilin
