Djokovic í undanúrslit og mætir Murray

Novak Djokovic. Reuters

Serbinn Novak Djokovic er kominn í undanúrslit á opna ástralska meistaramótinu í tennis en hann á titil að verja á mótinu. Djokovic átti ekki í vandræðum með að leggja Spánverjann David Ferrer að velli en Serbinn vann í þremur settum, 6:4, 7:6 og 6:1.

Í undanúrslitunum mætir Djokovic Bretanum Andy Murray og í hinni undanúrslitaviðureigninni eigast við Spánverjinn Rafael Nadal og Svisslendingurinn Roger Federer, sem stefnir á að vinna mótið í fimmta sinn.