Lindsey Vonn náði stórum áfanga

Lindsey Vonn var í miklu stuði þegar niðurstaðan lá fyrir í dag. Reuters

Bandaríska skíðadrottningin Lindsey Vonn náði mögnuðum áfanga í skíðabrekkunum í Garmisch-Partenkirchen í Þýskalandi í dag þegar hún sigraði á heimsbikarmóti í bruni.

Var þetta hennar fimmtugasti sigur í heimsbikarnum á ferlinum. Hún hefur auk þess unnið tuttugu og fimm heimsbikarmót í bruni sem er met.

Vonn sagði í samtali við blaðamenn að sigrinum loknum að hún hafi oft skíðað betur en það væri sérstakur áfangi að ná fimmtugasta sigrinum.