Helga María Vilhjálmsdóttir hafnaði í 37. sæti og Thelma Rut Jóhannsdóttir í 39. sæti í stórsvigi kvenna á heimsmeistaramóti unglinga í alpagreinum í Jasná í Slóvakíu í dag.
Alls hófu 113 stúlkur keppni en aðeins 56 skiluðu sér í mark í báðum ferðum. Erla Ásgeirsdóttir og Freydís Halla Einarsdóttir náðu hvorug að ljúka fyrri ferðinni.
Helga fékk 98,97 FIS-punkta fyrir sinn árangur og Thelma 105,44 FIS-punkta.
Þær Helga, Erla og Freydís keppa einnig í svigi á morgun, sem og Auður Brynja Sölvadóttir.