Ólafur Andrés Guðmundsson leikmaður sænska handknattleiksliðsins Kristianstad er besti leikmaðurinn í sænsku úrvalsdeildinni að mati handboltasérfræðinga sænska blaðsins Aftonbladet en það eru þeir Johan Flinck og Kent-Harry Andersson.
Ólafur yfirgefur Kristianstad eftir tímabilið en sem kunnugt er hefur landsliðsmaðurinn samið við þýska liðið Hannover-Burgdorf til tveggja ára. Ólafur verður í eldlínunni með liði sínu annað kvöld en þá mætir það Lugi í fjórðu viðureign liðanna í undanúrslitunum en Lugi hefur betur, 2:1.