Aníta Hinriksdóttir ríður á vaðið af íslensku keppendunum á heimsmeistaramóti 19 ára og yngri í frjálsíþróttum í Eugene, í Bandaríkjunum þegar hún keppir í undanrásum 800 metra hlaups kvenna klukkan 19.15 að íslenskum tíma í kvöld.
„Ég á ekki von á öðru en að Aníta eigi að vera nokkuð örugg um að komast í undanúrslitin. Hún verður bara að hlaupa skynsamlega í undanrásunum þannig að hún taki ekki of mikið á,“ sagði Gunnar Páll Jóakimsson þjálfari Anítu, og að HM í Eugene sé það mót sem allur undirbúningur Anítu í sumar hafi miðast við.
Nánar er rætt við Gunnar Pál í íþróttablaði Morgunblaðsins í dag.