Forkeppni í fullorðinsflokkum á Evrópumótinu í hópfimleikum er hafin í Laugardalshöllinni og blandað lið Íslands hefur tryggt sér sæti í úrslitunum í laugardaginn.
Ísland varð í 4. sæti í forkeppninni með 53.116 stig og komst nokkuð örugglega áfram.
Í blönduðum liðum eru liðin skipuð báðum kynjunum. Kvennalandsliðið keppir laust eftir klukkan átta í kvöld í forkeppninni. Úrsltin hjá fullorðnum fara fram á laugardaginn en úrslitin hjá unglinum á morgun.
Kl 17:48 Íslenska liðið komst í úrslit og hafnaði í 4. sæti í undankeppninni. Liðið fékk 16.200 stig í dýnustökkunum og samtals 53.116 stig. Noregur fékk flest stig í forkeppninni eða 56.666. Ein íslensku keppendanna meiddist á hné þegar hún lenti illa í stökkinu og virtist nokkuð kvalin. Lítur í það minnsta ekki vel út og var hún borin út af á sjúkrabörum.
Kl 17:22 Íslenska liðið fékk 20.316 fyrir gólfæfingar sínar og tekur þar með forystu í forkeppninni í blandaða flokknum. Er þetta besta skor sem sést hefur hingað til í gólfæfingunum. Afskaplega fín dómgæsla.
Kl 17:00 Íslenska liðið er í 5. sæti eftir keppni á trampólíni. Liðið fékk 16.600 stig fyrir æfingar sínar en níu lið keppa í flokki blandaðra liða. Keppt er í þremur greinum og á íslenska liðið eftir að framkvæma æfingar á dýnu og á gólfi. Ég myndi skjóta á að um tvö þúsund manns séu nú á pöllunum en áhorfendastúkurnar sem fluttar voru inn frá Bretlandi taka fjögur þúsund í sæti. Áhorfendur láta mjög vel í sér heyra en hefðin á mótum sem þessum virðist vera sú að mikil læti séu á pöllunum í jákvæðum skilningi.