Frímann Ari Ferdinandsson, landsliðsþjálfari í badminton, hefur valið A-landsliðið sem keppa mun á HM í Dongguan í Kína í vor.
Mótið, sem gengur undir nafninu Sudirman Cup, fer fram dagana 10.-17. maí. Það var fyrst haldið árið 1989, þegar 28 lönd tóku þátt, en yfir 50 lönd taka þátt í mótinu í ár.
Í íslenska landsliðshópnum eru meðal annars þau Daníel Thomsen og Margrét Jóhannsdóttir sem náðu lengst Íslendinga í badmintonkeppninni á nýafstöðnum Reykjavíkurleikum, með því að komast í 8-liða úrslit í tvenndarleik.
Hópinn skipa:
Atli Jóhannesson TBR
Daníel Thomsen TBR
Kári Gunnarsson TBR
Margrét Jóhannsdóttir TBR
Rakel Jóhannesdóttir TBR
Sigríður Árnadóttir TBR