Deildarmeistarar Vals þurfa á sigri að halda í kvöld til að halda sér á lífi í einvíginu við Hauka í undanúrslitum Olís-deildar karla í handknattleik. Haukara hafa unnið tvo fyrstu leiki liðanna sem mætast að Hlíðarenda í kvöld.
Afturelding verður án tveggja af sínum bestu sóknarmönnum, Jóhanns Jóhannssonar og Jóhanns Gunnars Einarssonar, þegar liðið mætir ÍR í Mosfellsbæ en staðan er 1:1 í einvíginu. Sá fyrrnefndi er í banni en sá síðarnefndi meiddur.
Báðir leikir hefjast klukkan 19.30.