Íslenska karlalandsliðið í blaki sem er í lokaundirbúningi fyrir Smáþjóðaleikana gerðu góða æfinga- og keppnisferð til Færeyja um helgina. Liðið kom heim í gær með tvo sigra í töskunni.
Karlalandsliðið í blaki fór til Færeyja síðastliðinn föstudag. Liðið æfði um kvöldið og spilaði svo vináttulandsleik á laugardag og annan á sunnudag. Liðið var lengi í gang í fyrri leiknum en vann þó leikinn 3:1. Leikurinn var nokkuð jafn en leikmönnum tókst að stilla saman liðið nægilega vel til að vinna.
Leikurinn á sunnudag var betri hjá báðum liðum. Íslenska liðið náði upp góðri stemmningu í leiknum, móttakan fór batnandi sem gerði sóknarleikinn auðveldari. Hávörn liðsins small saman sem er mikilvægt fyrir komandi átök á Smáþjóðaleikunum. Ísland vann leikinn á sunnudaginn einnig 3:1 og kom því heim með tvo sigra í farteskinu.
Þrír leikmenn spiluðu sinn fyrsta A landsleik í ferðinni: Felix Þór Gíslason, Ragnar Axelsson og Elías Rafn Ólafsson.
Þjálfarar liðsins eru á lokametrunum að klára lokahópinn og tilkynna hann en aðeins 12 leikmenn verða í lokahópnum á Smáþjóðaleikunum. Eftirtaldir 13 leikmenn fóru til Færeyja, og því ljóst að skera þarf niður í hópnum.
Alexander Stefánsson, Göteborg
Elías Rafn Ólafsson, HK
Fannar Grétarsson, HK
Lúðvík Már Matthíasson, HK
Róbert Karl Hlöðversson, Stjarnan
Theódór Óskar Þorvaldsson, HK
Valgeir Valgeirsson, Þróttur Nes
Ævarr Freyr Birgisson, KA
Ragnar Ingi Axelsson, Þróttur Nes
Felix Þór Gíslason, HK
Matthías Haraldsson, Þróttur Nes
Kristján Valdimarsson, Middelfart
Hafsteinn Valdimarsson, Marienlyst
Þjálfari er Rogerio Ponticelli
Aðstoðarþjálfari er Ólafur Jóhann Júlíusson
Sjúkraþjálfari er Bjartmar Birnir