Evrópska knattspyrnusambandið, UEFA, vill að kosningu um forseta Alþjóða knattspyrnusambandsins, FIFA, sem fram eiga að fara á föstudaginn verði frestað.

„Við teljum að þingi FIFA eigi að fresta og kosning um forseta verði haldin á næstu sex mánuðum,“ sagði Gianni Infantino ritari í stjórn UEFA við fréttamenn í dag en knattspyrnuheimurinn skelfur eftir atburði dagsins þar sem sjö menn voru hand­tekn­ir í tengsl­um við rann­sókn banda­rískra yf­ir­valda í Zürich í Sviss í dag. Þeirra á meðal er Jack Warner, fyrr­ver­andi vara­for­seti FIFA, en hann er sakaður um að hafa alls þegið um 10 millj­ón­ir dala frá rík­is­stjórn S-Afr­íku vegna móts­ins sem fór þar fram fyr­ir fimm árum.

Þá hafa stjórn­völd í Sviss einnig hafið sjálf­stæða rann­sókn í tengsl­um við ferlið sem leiddi til þess að ákveðið var að halda HM í knatt­spyrnu í Rússlandi árið 2018 og 2022 í Kat­ar. 

Alls hafa 14 verið ákærðir í mál­inu fyr­ir spill­ingu, en þeir eru sakaðir um að hafa þegið mútu­greiðslur und­an­far­in 24 ár. Alls er upp­hæðin sögð nema rúm­lega 150 millj­ón­um dala, eða sem jafn­gild­ir rúm­um 20 millj­örðum króna

Tengdar fréttir

FIFA-hneyksli

Enn einn skandallinn hjá FIFA

• Mútur, veislur og nudd
• Hægri hönd Blatters áfrýjar 10 ára banni
• Formleg rannsókn hafin á Blatter
• Bannið yfir Platini mildað

» Fleiri tengdar fréttir

• Blogga um frétt