Knattspyrnusamband Norður- og Mið-Ameríku, CONCACAF, tilkynnti nú síðdegis að forseta þess, Jeffrey Webb frá Caymen-eyjum, hafi verið vikið frá störfum, í kjölfarið á handtöku hans í Zürich í Sviss í gær.

Webb, sem jafnframt er einn af varaforsetum FIFA, Alþjóða knattspyrnusambandsins, er einn sjömenninganna sem handteknir voru vegna meintrar spillingar. Hann hefur verið náinn samstarfsmaður Sepps Blatters, forseta FIFA, sem ekki alls fyrir löngu nefndi Webb sem álitlegan eftirmann sinn í embætti.

Varaforsetinn, Alfredo Hawit frá Hondúras, tekur við embættinu af Webb. CONCACAF hefur aðsetur í Miami á Flórída og er því undir bandarískri lögsögu, en það var bandaríska alríkislögreglan sem stóð fyrir handtökunum í Zürich, í samvinnu við svissnesk yfirvöld.

Tengdar fréttir

FIFA-hneyksli

Enn einn skandallinn hjá FIFA

• Mútur, veislur og nudd
• Hægri hönd Blatters áfrýjar 10 ára banni
• Formleg rannsókn hafin á Blatter
• Bannið yfir Platini mildað

» Fleiri tengdar fréttir

• Blogga um frétt