Þorbergur Ingi Jónsson varð í níunda sæti á heimsmeistaramótinu í utanvegahlaupi (e. IAU Trail World Championhips) sem fram fór í Frakklandi í morgun.
Þorbergur kom í mark á tímanum 8 klukkustundum, 47 mínútum og 20 sekúndum sem skilaði honum níunda sætinu. Alls var hlaupin 86 kílómetra leið og er hæðarmunurinn á leiðinni 5.300 metrar.
Þorbergur hélt góðum dampi í hlaupinu og var lengst af á meðal tíu efstu manna, meðal annars níundi að loknum 58 kílómetrum. Heimamaðurinn Sylvain Court kom fyrstur í mark á tímanum 8:15,45 klukkustundum.
Hlaupið er í kringum Annecyvatn (f. Lac d'Annecy) og kort af svæðinu má sjá HÉR.
Iceland's (!?!) Thorbergur Jonsson is 9th at the #IAUTrail World Champs in 8:47:20. pic.twitter.com/IQ7qcblEmX
— iRunFar (@iRunFar) May 30, 2015