Hulda í öðru sæti í Gautaborg

Hulda Þorsteinsdóttir í stangarstökkinu.
Hulda Þorsteinsdóttir í stangarstökkinu.

Hulda Þorsteinsdóttir úr ÍR stökk í dag 4,26 metra í stangarstökki á VU Spelen-mótinu á Ullevi-leikvanginum í Gautaborg.  Mótið er fjölmennasta opna frjálsíþróttamót sem haldið er á Norðurlöndum ár hvert og margir tugir Íslendinga að keppa á mótinu um helgina. 

Hulda flaug hátt yfir 4,26 metra en tókst ekki að fara yfir 4,35 metra enda að reyna sig á stífari og lengri stöngum en hún er vön. Hún hafnaði að lokum í öðru sæti af 19 keppendum.

Á sunnudaginn keppir Hulda aftur í boðshluta stangarstökks kvenna. Alls eru keppendur á mótinu 3.500 frá 20 löndum.

mbl.is
Fleira áhugavert
Fleira áhugavert