Egill og Logi kepptu í Berlín

Þeir Egill Blöndal og Logi Haraldsson kepptu um helgina á einu stærsta júdómóti Evrópu sem haldið var í Berlín, Junior European Judo Cup.

Logi tapaði gegn sterkum þýskum keppanda á tai-otoshi, en sá þýski endaði í 9. sæti í -81 kg flokknum. Egill tapaði gegn Mikhail Igolnikov frá Rússlandi, en hann stóð að lokum uppi sem öruggur sigurvegari í -90 kg flokknum, en sá er margfaldur Evrópumeistari U18 og silfurhafi frá síðasta heimsmeistaramóti. Egill tapaði svo uppreisnarviðureign gegn Johannes Pacher.

Keppendur voru yfir 500 talsins frá öllum heimsálfum og 35 þjóðum.

• Blogga um frétt