Eþíópíska hlaupakonan Almaz Ayana varð rétt í þessu heimsmeistari í 5000 metra hlaupi á nýju meistaramótsmeti 14:26,83. Ayana bætti þar með meistaramótsmet Tirunesh Dibaba um leið og hún sigraði yngri systur hennar Genzebe Dibaba í hlaupinu í dag.
Ayana sem er ríkjandi Afríkumeistari í greininni hafði nokkra yfirburði á aðra hlaupara í hlaupinu.
Það var þrefaldur eþíópískur sigur í hlaupinu, en Senbera Teferi varð önnur á 14:44,07 og Genzebe Dibaba þriðja á 14:44,14.