Aðeins meira en bara vinir?

Drake var mættur á Opna bandaríska mótið til þess að …
Drake var mættur á Opna bandaríska mótið til þess að styðja Serenu í ágúst. AFP

Fremsta tenniskona heims, Serena Williams, er ekki að rugla saman reytum með kanadíska rapparanum Drake, en þetta kemur fram í yfirlýsingu frá fjölmiðlafulltrúa Serenu.

Serena, sem er 34 ára gömul, hefur verið besta tenniskona heims undanfarin ár en hún er í efsta sæti heimlistans. Hún hefur unnið öllu stærstu mótin undanfarin ár en hún var nálægt því að vinna öll fjögur stórmótin á þessu ári.

Hún tapaði óvænt í undanúrslitum á Opna bandaríska mótinu fyrir Robertu Vinci en ítalska tenniskonan tapaði síðan fyrir Flaviu Pennetta í úrslitum.

Bandarískir fjölmiðlar hafa birt myndir af henni ásamt kanadíska rapparanum, Drake, undanfarna mánuði en þau sáust kyssast á veitingastað í Cincinnati í Ohio. Hún mætti þá til Toronto þar sem hún var viðstödd opnun á nýjum veitingastað sem er í eigu Drake. Þá var hann mættur á Opna bandaríska mótið til þess að styðja tenniskonuna.

Fjölmiðlafulltrúi Serenu gaf út yfirlýsingu í gær þar sem þessum sögusögnum er vísað á bug en að þau séu hins vegar afar góðir vinir. Bandarískir fjölmiðlar eru þó ekki sannfærðir og halda því samt sem áður fram að þau séu að hittast.

mbl.is
Fleira áhugavert
Fleira áhugavert