Norðurlandaþjóðir sigursælar í Egilshöll

<span>Norðurlandaþjóðirnar hafa verið sigursælar á Evrópumóti ungmenna í keilu í Keiluhöllinni Egilshöll nú um páskana.<br/><br/></span>

Í heildarkeppni pilta sigraði finnski keilarinn Niko Oksanen en hann er með 223,7 í meðaltal úr öllum keppnum.

<br/><br/>

Hin sænska Cajsa Wegner sigraði í heildarkeppni hjá stúlkum með 232,2 en hún náði fullkomnum leik í gær eða 300 leik í einstaklingskeppninni. Ísraelska stúlkan Shir Azulay náði einnig 300 leik og eru þeir því tveir 300 leikirnir sem hafa komið á mótinu í ár en hingað til hafa bara tveir fullkomnir leikir náðst í sögu mótanna.

<br/><br/>

Í öðru sæti hjá piltum var Brian Kjær frá Noregi með 219,4 í meðaltal og í þriðja sæti varð William Svensson frá Svíþjóð með 218,4 í meðaltal.

<br/><br/>

Hjá stúlkunum varð Evrópumeistarinn frá Rússlandi hún Maria Bulanova í öðru sæti með 221,7 í meðaltal. Hún setti mótsmet í gær þegar hún spilaði alla 6 leikina í einstaklingskeppninni með því að ná 1.470 pinnum sem gerir 245 í meðaltal. Í þriðja sæti í heildarkeppninni varð svo Katie Tagg frá Englandi með 215,5 í  meðaltal.

<br/><br/>

Mótið samanstendur af nokkrum keppnum og í gær var keppt í einstaklingskeppninni. Í piltaflokki sigraði Daninn Patrik Sörensen Slóvakann Rok Kostric í úrslitum með 249 pinnum gegn 184. Í þriðja sæti urðu þeir Emil Holmberg frá Svíþjóð og Quentin Deroo frá Frakklandi.

<br/><br/>

Hjá stúlkum sigraði Maria Bulanova frá Rússlandi Shir Azulay frá Ísrael með 226 pinnum gegn 184. Í þriðja sæti urðu svo þær Lea Degenhardt frá Þýskalandi og Cajsa Wegner frá Svíþjóð.

<br/><br/>

Hjá íslensku keppendunum fór þannig að í piltaflokki endaði Jökull Byron Magnússon úr KFR í 55. sæti með 184,7 í meðaltal. Jóhann Ársæll Atlason úr ÍA endaði í 66. sæti með 178,8 í meðaltal. Ágúst Ingi Stefánsson úr ÍR endaði í 77. sæti með 160,7 og Þorsteinn Hanning Kristinsson úr ÍR lenti í 79. sæti með 158,3.

<br/><br/>

Hjá stelpunum fór það þannig að Guðbjörg Harpa Sigurðrardóttir frá Þór Akureyri endaði í 43. sæti með 165,2 í meðaltal. Jóhanna Ósk Guðjónsdóttir úr ÍA endaði í 48. sæti með 157,3 í meðaltal. Helga Ósk Freysdóttir úr KFR endaði í 50. sæti með 152,8 í meðaltal og Elva Rós Hannesdóttir úr ÍR endaði í 51. sæti einnig með 152,8 í meðaltal.

<br/><br/>

Mótinu lýkur í dag með Masterskeppni en þá keppa 24 efstu piltar og stúlkur úr heildarkeppninni með útsláttarformi þannig að vinna þarf tvo leiki til að halda áfram. Aðgangur að mótinu ef ókeypis fyrir áhorfendur. Allar upplýsingar um mótið má finna á vefsíðu þess

<a href="https://cas.mbl.is/owa/redir.aspx?C=L0uaoQVy7EqrKY5px-2AVyPUS_1YW9MIJShVrSIPVC4JbTe-k9eFrmmihsEZAQABwJs-15VjzOU.&amp;URL=http%3a%2f%2fwww.eyc2016.eu" target="_blank">www.eyc2016.eu</a>