Guðbjörg Jóna Bjarnadóttir og Ívar Kristinn Jasonarson úr ÍR sigruðu í 400 metra grindahlaupi á Meistaramóti Íslands í frjálsum íþróttum á Akureyri í dag.
Ívar hljóp á 52,70 sekúndum og bætti þar með sinn besta tíma frá júní sem var 52,99. Þetta er áttundi besti tíminn í grindahlaupi íslenskra karla.
Guðbjörg sigraði í grindahlaupi kvenna á tímanum 1:02,90. Arna Stefanía Guðmundsdóttir, sem á Íslandsmetið í U-22 ára aldursflokki, þótti sigurstrangleg en tók ekki þátt í hlaupinu.