Gunnar Nelson mun ekki mæta Dong Hyun Kim í aðalbardaga UFC-kvöldsins í Belfast þann 19. nóvember eins og ráðgert hafði verið.
Vefsíðan MMA Fighting greindi frá þessu í kvöld og segir að ekkert verði af bardaganum vegna meiðsla Gunnars. Þess í stað muni þeir Gegard Mousasi og Uriah Hall mætast.
Ekki er ljóst hve alvarleg meiðsli Gunnars eru en UFC hefur ekki staðfest breytingarnar á bardagakvöldinu.