Bardagamaðurinn Bjarki Þór Pálsson bar sigur úr býtum þegar hann barðist við Englendinginn Alan Proctor í MMA í gærkvöldi. Bardaginn fór fram í London, en þetta var annar bardagi Bjarka Þórs sem atvinnumaður í MMA.
Bjarka Þór var dæmdur sigurinn þar sem Proctor framkvæmd ólöglegt hnéspark í andlit Bjarka í þriðju lotu bardagans. Bjarki Þór bólgnaði þó nokkuð í andliti við hnésparkið, en er þó við fína heilsu að öðru leyti.
Bjarki Þór hefur þar af leiðandi farið með sigur af hólmi í báðum bardögum sínum sem atvinnumaður í MMA, en en hann sigraði Pólverjann Adam Szczepaniak í fyrsta bardaga sínum síðastliðið sumar.