KA sigraði Þrótt Reykjavík 3:0 í Mizuno-deild kvenna í blaki á Akureyri í gær. Karlalið norðanpilta sigraði Þrótt R/Fylki, einnig 3:0.
Fyrsta hrinan í kvennaleiknum var jöfn og spennandi en KA endaði hrinuna af krafti og vann hana 25:15. Spennan var talsverð í annarri hrinunni en KA seig fram úr þegar staðan var 17:17 og tryggði sér sigur, 25:20.
KA hafði síðan talsverða yfirburði í þriðju hrinu og vann hana 25:14.
Stigahæst í liði Þróttara var fyrirliðinn Sunna Þrastardóttir með 5 stig og stigahæst í liði KA var einnig fyrirliðinn Hulda Elma Eysteinsdóttir með 14 stig.
Í karlaleiknum höfðu heimamenn mikla yfirburði í fyrstu hrinu og unnu hana 25:8. Önnur hrinan var aðeins jafnari en í stöðunni 16:14 stungu heimamenn af og unnu 25:16. KA vann þriðju hrinuna af öryggi, 25:17.