Sigríður Árnadóttir og Margrét Jóhannsdóttir eru Íslandsmeistarar í tvíliðaleik í badminton eftir sigur á Elsu Nielsen og Drífu Harðardóttur í úrslitaleik í TBR-húsinu í dag. Sigurinn kom í tveim lotum, 21:19 og 21:14.
Margrét vann þar með sinn þriðja titil á mótinu, en hún er einnig Íslandsmeistari í einliðaleik og tvenndarleik. Margrét og Sigríður mættust einmitt í úrslitaleik einliðaleiksins.
Þetta er þeirra fyrsti Íslandsmeistaratitill sem liðsfélagar, en þær hafa verið að spila saman í vetur.