Serena Williams, ein stærsta tennisstjarna heims, birti heldur óræð skilaboð á samskiptamiðlum í dag og virðist hún hafa farið ansi óhefðbundna leið til þess að opinbera það að hún sé ólétt.
Hún birti mynd af sér á Snapchat þar sem hún sýnir magann og skrifar við „20 vikur“. Um leið fóru aðrir miðlar á hliðina þar sem henni voru sendar hamingjuóskir.
Serena keppti síðast á Opna ástralska meistaramótinu í janúar og stóð þar uppi sem sigurvegari og var því orðin barnshafandi þegar mótið hófst. Hún er gift Alexis Ohanian sem er einn af stofnendum Reddit-vefsíðunnar.
Serena hefur unnið 23 risatitla, fleiri en nokkur önnur síðan opnu meistaramótin hófu göngu sína árið 1968.
Serena Williams is expecting!
— espnW (@espnW) April 19, 2017
The GOAT took to Snapchat to announce that she is 20 weeks pregnant. (via @serenawilliams/Snapchat) pic.twitter.com/7O9ub0VWVK