Allir Íslendingarnir sem kepptu í undanrásum í fyrstu greinunum í sundkeppni Smáþjóðaleikanna í San Marínó í morgun komust áfram í úrslitin og þær Eygló Ósk Gústafsdóttir, Hrafnhildur Lúthersdóttir og Bryndís Hansen fengu besta tíma í sínum greinum.

Eygló Ósk fékk besta tímann í 200 metra baksundi, 2:23,82 mínútur, og Íris Ósk Hilmarsdóttir varð fimmta á 2:28,64 mínútum.

Hrafnhildur fékk langbesta tímann í 200 m fjórsundi, 2:19,85 mínútur. Sunneva Dögg Friðriksdóttir komst líka áfram en hún varð sjötta á 2:28,60 mínútum.

Bryndís fékk besta tímann í 100 m skriðsundi, 57,66 sekúndur, og Eygló Ósk varð önnur á 58,48 sekúndum.

Aron Örn Stefánsson komst í úrslit í 100 m bringusundi en hann synti á 52,96 sekúndum sem var sjöundi besti tíminn.

Úrslitin í þessum fjórum greinum fara fram síðdegis í dag.

Tengdar fréttir

Smáþjóðaleikarnir í San Marínó 2017

Stigið sem tryggði sigurinn

• Ísland fékk 60 verðlaun
• „Ég var brjálaður“
• Tvö Íslandsmet og verðlaunaregn í frjálsum
• „Andorraleikurinn situr í okkur“

» Fleiri tengdar fréttir

• Blogga um frétt