Daníel og Sigríður unnu TBR Opið

Sigríður Árnadóttir.
Sigríður Árnadóttir. Ljósmynd/Sportmyndir.is

Þriðja mót mótaraðar BSÍ, TBR Opið, var um helgina. Keppt var í öllum greinum í meistaraflokki, A- flokki og B-flokki.

Daníel Jóhannesson TBR sigraði einliðaleik karla eftir að hafa lagt Jónas Baldursson TBR í úrslitum 21:10 og 21:14. Í einliðaleik kvenna var keppt í riðli og bar Sigríður Árnadóttir TBR sigur úr bítum. Tvíliðaleik karla unnu Kristófer Darri Finnsson og Davíð Bjarni Björnsson TBR en þeir unnu í úrslitum Daníel Jóhannesson og Jónas Baldursson TBR 21:15 og 21:10. Tvíliðaleik kvenna unnu Margrét Jóhannsdóttir og Sigríður Árnadóttir TBR en keppt var í riðli í greininni. Tvenndarleikinn unnu Daníel Thomsen og Margrét Jóhannsdóttir TBR en í þessari grein var einnig keppt í riðli.

Í A-flokki sigraði Einar Sverrisson í einliðaleik karla. Hann vann í úrslitum Aron Óttarsson TBR eftir hörkuleik, 23:21 og 24:22. Einliðaleik kvenna vann Halla María Gústafsdóttir BH. Hún vann Sólrúnu Önnu Ingvarsdóttur BH eftir oddalotu 20:22, 21:7 og 21:11. Í tvíliðaleik karla unnu Aron Óttarsson og Guðjón Helgi Auðunsson TBR en þeir unnu í úrslitum Ask Mána Stefánsson og Elvar Má Sturlaugsson BH 24:22 og 21:17. Tvíliðaleik kvenna í A-flokki unnu Irena Ásdís Óskarsdóttir og Sólrún Anna Ingvarsdóttir BH en þær unnu í úrslitum Önnu Alexöndru Petersen og Margréti Dís Stefánsdóttur TBR eftir oddalotu 21:11, 17:21 og 21:13. Tvenndarleikinn unnu Jón Sigurðsson og Guðrún Björk Gunnarsdóttir TBR. Þau unnu Elís Þór Dansson og Margréti Dís Stefánsdóttur TBR í úrslitum eftir oddalotu 15:21, 21:12 og 24:22.

Keppt var í einliða- og tvíliðaleik karla og tvenndarleik í B-flokki. Gústav Nilsson TBR sigraði í einliðaleik en hann vann í úrslitum Egil Magnússon Aftureldingu 21:14 og 21:9. Í tvíliðaleik var keppt í riðli og sigurvegararnir eru Egill Magnússon og Hallur Helgason Aftureldingu. Tvenndarleikinn unnu Gústav Nilsson og Guðbjörg Jóna Guðlaugsdóttir TBR en keppt var í riðli í greininni.

mbl.is
Fleira áhugavert
Fleira áhugavert