Um helgina var Íslandsmótið í tækvondótækni haldið í Laugardalnum. Í tækni þurfa keppendur að sýna fyrirfram ákveðna röð bardagahreyfinga, t.d. högg, spörk, stöður og varnir. Dómarar meta svo tæknina út frá krafti, liðleika, hraða og takti.
Ármann vann liðakeppnina, Keflavík varð í öðru sæti og Afturelding í því þriðja. Hákon Jan Norðfjörð og Samar E-Zahida, bæði úr Ármanni, voru valin keppendur mótsins.