Keilulandsliðin fara á HM í Las Vegas

Heimsmeistaramótið í keilu verður haldið í Las Vegas dagana 24. nóvember - 4. desember. Á mótinu er keppt bæði í kvenna- og karlaaflokki. Keppt er í einstaklingskeppni, tvímenning, þrímenning og fimm manna liðum á mótinu. Landsliðsþjálfarar kvenna- og karlaliðanna tilkynntu í dag hvaða leikmenn muni leika fyrir Íslands hönd í Las Vegas.

Kvennalið Íslands tryggði sér keppnisrétt á heimsmeistaramótinu með góðum árangri á Evrópumeistaramótinu í Vín síðasta sumar. Hafþór Harðarson, þjálfari kvennaliðsins valdi eftirtalda keiluspilara til þess að taka þátt á heimsmeistaramótinu. 

Dagný Edda Þórisdóttir, KFR
Bergþóra Rós Ólafsdóttir, ÍR
Guðný Gunnarsdóttir, ÍR
Hafdís Pála Jónasdóttir, KFR
Katrín Fjóla Bragadóttir, KFR
Linda Hrönn Magnúsdóttir, ÍR

Karlalið Íslands komst inn á heimsmeistaramótið eftir að tvö lið frá Evrópu hættu við þátttöku. Landsliðsþjálfarar karlaliðsins, Ásgrímur H. Einarsson og Guðjón Júlíusson hafa valið eftirtalda keiluspilara til þess að leika á heimsmeistaramótinu fyrir Íslands hönd.

Arnar Davíð Jónsson KFR, fyrirliði
Gunnar Þór Ásgeirsson, ÍR
Gústaf Smári Björnsson, KFR
Hafþór Harðarson, ÍR
Jón Ingi Ragnarsson, KFR
Skúli Freyr Sigurðsson, KFR 

• Blogga um frétt