Conor McGregor biðst afsökunar en samt ekki

Írski bardagakappinn Conor McGregor komst í fréttirnar á dögunum eftir að hafa ráðist á dómara án þess að hafa verið að keppa sjálfur. Nú hefur afsökunarbeiðni hans ekki vakið minni athygli.

Conor ruddist inn í búrið til að fagna með félaga sínum sem hafði unnið bardaga. Dómarinn var ekki sáttur með þetta og ætlaði að senda Conor burt, en það fór ekki vel í þann írska. Í stað þess að fara sá Conor rautt og réðst að dómaranum.

Conor sendi frá sér yfirlýsingu í dag þar sem hann í rauninni kennir dómaranum um hvernig fór.

„Ég missti mig og fyrir það biðst ég afsökunar, en dómarinn tók fáránlega ákvörðun þegar hann reyndi að draga rotaðan bardagamann aftur á lappir. Bardaginn var búinn. Eftir að hafa orðið vitni að því að bardagamaður lést vegna áverka þá fannst mér eins og það versta gæti aftur gerst,“ sagði McGregor.

Frétt af mbl.is

Conor McGregor gekk af göflunum (myndskeið)

• Blogga um frétt