„Hver bardagi og mótherji er einstakur og maður ber virðingu fyrir öllum andstæðingum,“ sagði Valgerður Guðsteinsdóttir, tvöfaldur Íslandsmeistari í hnefaleikum og fyrsta og eina íslenska atvinnukonan í íþróttinni, í Dagmálum, frétta- og menningarlífsþætti Morgunblaðsins.

Í október 2017 mætti Valgerður Dominiku Covotna frá Tékklandi í bardaga sem fram fór í Ósló í Noregi.

Stuttu eftir bardagann féll Covotna á lyfjaprófi en hún bar þess merki í bardaganum að hún væri búin að vera að notast við stera.

„Að vera á sterum gerir það að verkum að heilinn slekkur ekki endilega á sér, jafnvel þótt maður fái ansi þungt högg á sig,“ sagði Valgerður.

„Ég hefði átt að rota hana í þessum bardaga og hún fór í gólfið alla vega einu sinni. Bjallan bjargaði henni líka á einum tímapunkti og hún rataði ekki í hornið,“ sagði Valgerður meðal annars.

Viðtalið við Valgerði í heild sinni má nálgast með því að smella hér.

Tengdar fréttir

Dagmál

„Ég á þetta ekki, ég má þetta“

• „Ef það er einhver einn lærdómur...“
• Þakklátur fyrir að eiga snjalla eiginkonu
• „Ég, Alfreð og Eiður Smári svekktum okkur stundum á þessu“
• Emil í miðju viðtali: „Það gæti þurft að klippa þetta út!“

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Ali, Frazier og Pattersen rötuðu ekki í hornin.