Íþróttir
|
Golf
| mbl
| 4.2.2010
| 15:50
Pavin mætir til leiks með fjóra aðstoðarmenn
Bandaríkjamaðurinn Corey Pavin fagnar með kylfusveini sínum. AP
Corey Pavin mætir með fjölmennt lið aðstoðarmanna þegar bandaríska liðið leikur gegn því evrópska í Ryderkeppninni á Celtic Manor í Wales í september. Tom Lehman, Jeff Sluman, Davis Love og Paul Goydos verða aðstoðarmenn Pavin.
Lehman var fyrirliði bandaríska liðsins á K-Club fyrir fjórum árum en þá var Pavin einn af aðstoðarmönnum Lehman.
Colin Montgomerie, fyrirliði Evrópuliðsins, ætlar einnig að velja fjóra aðstoðarmenn en hann hefur ekki tekið endanlega ákvörðun hverjir þeir verða. Paul McGinley frá Írlandi og Daninn Thomas Björn hafa verið nefndir til sögunnar líkt og Joze Maria Olazabal frá Spáni.
© Árvakur hf.
Öll réttindi áskilin
